mobil versiya

Səfər Mehdiyevi saxlayan polislər işdən çıxarılıb? - DİN-dən CAVAB




14:41

Daxili İşlər Nazirliyi (DİN) Dövlət Gömrük Komitəsinin sabiq sədri Səfər Mehdiyevi saxlayan yol polislərinin işdən çıxarılması ilə bağlı iddialara münasibət bildirib.

DİN-in Mətbuat Xidmətinin KİV və ictimaiyyətlə əlaqələr şöbəsinin rəisi, polis mayoru Elşad Hacıyev bildirib ki, yol polislərin daxili işlər orqanlarından xaric olunması iddiaları əsassızdır.


“Həmin məlumatlar həqiqəti əks etdirmir”, - DİN rəsmisi vurğulayıb.



***
14:22

Dövlət Gömrük Komitəsinin sabiq sədri Səfər Mehdiyevi saxlayan yol polisləri işdən çıxarılıb.

Bu barədə Sfera.az saytı məlumat yayıb. Qeyd olunub ki, sözügedən DYP əməkdaşları vəzifələrindən azad edilərək sərəncama götürülüb.

Xatırladaq ki, bir neçə gün öncə Səfər Mehdiyevin idarə etdiyi avtomobilin saxlanmasını əks etdirən görüntülər yayılıb. Hadisə vaxtı keçmiş sədr idarə etdiyi “Mercedes Galendevagen” markalı, 90 AA 978 dövlət qeydiyyat nişanlı avtomobildən düşərək yol polisi əməkdaşlarına hirslənib.


Özünü general-polkovnik Mehdiyev kimi təqdim edən Səfər Mehdiyevin onu saxlayan polisə “Nə həyasız adamsan? Sirena yandırdığımı görmürsən?” dediyi görünüb.




MANŞET / BANNER / KARUSEL
Baxılıb: 144 Tarix: 10-08-2022, 12:45



Şərh bildir
yenilə, əgər kod görünmürsə