Əksər sağlam böyüklər balanslı qidalanma çərçivəsində gündə iki-üç banan yeyə bilərlər; həddindən artıq miqdarda istehlak isə çəki artımına və qida maddələri çatışmazlığına səbəb ola bilər.

Bananlar rahat istehlak edilən, təbii şirinliyə malik və qida maddələri ilə zəngin meyvələrdir.

"Healthline"a görə, onlar manqan, kalium, C vitamini və B6 vitamini ilə təmin edir.

Bununla belə, gündə bir neçə banan yemək hər kəs, xüsusilə də müəyyən sağlamlıq problemləri olan insanlar üçün uyğun olmaya bilər.

Həddindən artıq banan yeməyin təsirləri:

Artıq kalium

Orta ölçülü bir bananda təxminən 400 milliqram kalium var. "Verywell Health"in məlumatına görə, "Weill Cornell Medicine" və "NewYork-Presbyterian" xəstəxanalarının dietoloqu Aleksandra Rozenstok (RD, CDN) bildirib ki, böyrək funksiyası normal olan sağlam insanlar adətən narahat olmadan gündə iki-üç banan yeyə bilərlər.

Lakin böyrək problemləri olan insanlarda orqanizm qandakı artıq kaliumu xaric etməkdə çətinlik çəkə bilər. Bu, əzələ zəifliyinə, iflicə və ürək ritminin pozulmasına səbəb ola bilən hiperkaliemiyaya gətirib çıxara bilər.

Qan şəkərinin kəskin yüksəlməsi

Şəkərli diabeti olan insanlar bananı təkbaşına yemək əvəzinə, onu zülal və ya sağlam yağlarla birlikdə qəbul etməklə fayda görə bilərlər.

Rozenstok qeyd edib ki, bananlar karbohidrat və təbii şəkərlər ehtiva etdiyi üçün onları təkbaşına yemək qan şəkəri səviyyəsinin daha sürətlə yüksəlməsinə səbəb ola bilər.

Həzm problemləri

"Mount Sinai Health System"dən Samanta Dierasın (DCN, RD, CDN) sözlərinə görə, həddindən artıq banan yemək həmçinin qaz yığılmasına, köpə və ya ishala səbəb ola bilər.

Bananların tərkibində liflə yanaşı, bəzi insanların həzm etməkdə çətinlik çəkdiyi karbohidrat qrupu olan FODMAP-lar da mövcuddur.

Buna görə də, onlar qıcıqlanmış bağırsaq sindromu (QBS) olan və ya yüksək lifli qidalara qarşı həssaslığı olan insanlarda daha nəzərəçarpan həzm problemlərinə səbəb ola bilər.

Reportyor.az 


BANNER / SAĞLAMLIQ / KARUSEL