Çin öz hədəsini həyata keçirdi. Kilian Mbappenin Mao Zedunq haqqındakı şərhlərindən sonra dövlət yayımçısı CCTV həftəsonu keçirilən ilk iki "La Liqa" oyununu efirə vermədi.

Cümə günü "Vilyarreal" və "Espanyol" arasında keçirilən oyun CCTV-nin yayım cədvəlində yer almadı. Lakin qarşılaşma dövlət şirkəti "China Mobile"a bağlı olan "Migu" striminq platformasında yayımlandı. Bazar gününə planlaşdırılan "Real Madrid"in oyunu isə sonradan həmin platformadan çıxarıldı.

Şənbə günü CCTV "Atletiko Madrid"in "Levante"yə qarşı oyununu da yayımlamadı. "La Liqa" rəhbərliyi AFP agentliyinə bildirib ki, əvvəllər onların oyunları Çində canlı yayımlanırdı.

Məsələ Mbappenin yer aldığı bir video ilə başladı; həmin videoda o, özünün Mao Zedunqa bənzədildiyi və "çinli diktator" kimi təqdim olunduğu internet memlərinə istinad etmişdi. "La Liqa" onun bu şərhlərini tənqid etdi, fransız hücumçu isə üzr istədi. Pekin rəsmiləri məsələyə "ciddi" yanaşdıqlarını bildirdilər.

Çin Xarici İşlər Nazirliyi çərşənbə günü bəyan etdi ki, Mbappenin üzrünü "ciddi" qəbul ediblər. Lakin bu üzrxahlığın onun çərşənbə axşamı itirdiyi brend müqavilələrini və digər kommersiya əlaqələrini bərpa etməsinə kömək edib-etməyəcəyi hələlik məlum deyil. 


Reportyor.az 



DÜNYA / İDMAN