Əməkdar artist Aybəniz Haşımova sosial şəbəkədə yeni paylaşım edib.

REPORTYOR.AZ xəbər verir ki, sənətçi I Qarabağ müharibəsi zamanı şəhid olan həyat yoldaşı Xalid Quliyevin qəbrini ziyarət edib.

İfaçı məzarlıqdan lentə alınan görüntüləri şəxsi instaqram hesabında yayımlayıb. Həyat yoldaşının vəfatından artıq 30 il ötdüyünü deyən Haşımova paylaşımına bu sözləri də əlavə edib:

"O, gecə ana oğlunu, qardaş qardaşını, 1 yaş 8 aylıq körpə atasını, bir ev isə sahibini itirdi, amma yenə də hamının  dilində bir söz var idi, Vətən sağolsun! Vətəni sevmək azdır, onu qorumaq gərək. Vətənim, demək azdır. Vətənin olmaq gərək. O, atadan qabaqdır. O, anadan irəli. Bilir ərlər, ərənlər vətənə tay olmayır. Ömürdən pay verərlər, vətəndən pay olmayır!

30 illik ömrün, 30 illik evin, şəhadətin mübarək. Ölkəmizin igid oğlu! Sizi yaşadan xalqımıza, sizi heçvaxt unutmayanlara cox sağolun deyirəm".

Qeyd edək ki, Əməkdar artistin həyat yoldaşı Xalid Əliyev 1992-ci ilin iyulunda Qarabağ uğrunda gedən döyüşlərdə şəhid olub.


VİDEO






SON XƏBƏR / KARUSEL