ABŞ və Rusiyanın Ukrayna məsələsində bir-birinə qarşı durduğu bir vaxtda Hindistan hər iki ölkədən təxminən 200 milyon dollar dəyərində raket sistemləri almağı planlaşdırır.
"The Economic Times” xəbər verir ki, Hindistan Hərbi Dəniz Qüvvələri Rusiyadan 20-dən çox “Klub” gəmi əleyhinə qanadlı raketlər və Amerikanın Harpoon gəmi əleyhinə raket sistemi üçün avadanlıq almağı təklif edir.
Rusiyadan alınan “Klub” raketi Hindistan Hərbi Dəniz Qüvvələrinin həm suüstü döyüş gəmilərində, həm də sualtı qayıqlarında təchiz edilib və uzun müddətdir ki, onun üçün idxal olunan silah sistemlərindən biri olub. 
“Harpoon” raket sisteminin alınmasının Hindistan Hərbi Dəniz Qüvvələrinə xarici hərbi satış marşrutu üzrə təxminən 80 milyon dollara başa gələcəyi gözlənilir.
ABŞ Konqresi artıq Harpoon Joint Common Test Set – JCTS (Harpoon Birgə Ümumi Test Dəsti)  və müvafiq avadanlıqların Hindistana satışını təsdiqləyib. Hindistan Hərbi Dəniz Qüvvələri artıq “Harpoon” raketlərini sualtı qayıqlara qarşı döyüş təyyarələri və sualtı qayıqlarında yerləşdirib.
Hindistan ənənəvi olaraq Rusiya silah sistemlərindən istifadə edir, lakin son iki onillikdə ABŞ və Fransadan da böyük ölçüdə satınalmalarla öz satınalmalarını diversifikasiya edib.

KARUSEL / DÜNYA