Pekinin növbəti təhlükəsizlik pozuntusunda Çində yerləşən hakerlər ABŞ-ın Çindəki səfiri Nikolas Börnsin elektron poçt hesablarını sındırıblar.
"CNN"-in ABŞ rəsmilərinə istinadən verdiyi məlumata görə,  hakerlər dövlət katibinin Şərqi Asiya üzrə köməkçisi Daniel Kritenbrinkin e-poçt hesabına da daxil olub.
"New York Times" ABŞ rəsmilərinə istinadən xəbər verir ki, bundan əvvəl çinli hakerlər dövlət katibi Antoni Blinkenin iyun ayında Pekinə səfərindən bir neçə həftə əvvəl ticarət naziri Gina Raimondo və Dövlət Departamenti rəsmilərinin elektron poçtunu da sındırıb.
Bundan əvvəl Microsoft, ABŞ-a dair kəşfiyyat məlumatları toplamaq niyyəti ilə çinli hakerlərin hökumətin elektron poçt hesablarına giriş əldə etdiyini açıqlamışdı.
Hücum, hökumət şəbəkələrinə müdaxilə ilə bağlı məlumatlandırılan bir şəxsin sözlərinə görə, hakerlər, böyük miqdarda məlumatları udacaq geniş bir müdaxilə həyata keçirmək əvəzinə, xüsusi hesabların ardınca gedib.
Dövlət Departamenti müdaxiləni iyunun 16-da aşkar edib və həmin gün Blinkenin Pekinə səfəri ərəfəsində Microsoft-a məlumat verib.
Blinkendən sonra maliyyə naziri Canet Yellen də Pekinə səfər edib. Prezident Co Bayden və Çin dövlət başçısı  Si Cinpin, keçən noyabrda İndoneziyanın Bali şəhərində görüşdə münasibətləri sabitləşdirməyə çalışmaq barədə razılığa gəldilər, lakin Pentaqon fevralın əvvəlində ABŞ kontinentalında uçan Çin casus şarını aşkar edib vurduqdan sonra iki ölkə arasında gərginlik artdı.
KARUSEL / DÜNYA