"Taliban"nın daxili işlər naziri və Haqqani Şəbəkəsinin yüksək rütbəli lideri Siracuddin Haqqaninin keçmişdə beynəlxalq səyahətlər üçün Pakistan pasportundan istifadə etdiyini iddia edilib.
Dawn xəbər verir ki, bu barədə Pakistanın xarici işlər nazirliyinin sözçüsü Mümtaz Zəhra Bəluç mediaya verdiyi açıqlamada deyibi: “Hesabatı indicə gördüm. Sualınıza cavab verəcək faktlarım yoxdur. Ola bilsin ki, daha çox məlumatım olanda başqa bir hadisə ilə bağlı şərh verə bilərəm”.
Məlumata görə, Haqqani Şəbəkəsindəki rolu ilə tanınan Haqqani bu pasportdan xarici səfərlərdə, xüsusilə Qətərə ABŞ ilə əsas danışıqlar üçün istifadə edib. Bu danışıqlar ABŞ qoşunlarının Əfqanıstandan çıxarılmasına səbəb olan Doha sazişinin imzalanmasında mühüm rol oynayıb. 
Əfqanıstan vətəndaşlarına 30-40 min arasında Pakistan pasportunun verildiyi bildirilir. Bu pasportlar Pakistanın Hayber Paxtunxva, Bəlucistan və Sind əyalətlərinin müxtəlif şəhərlərindən paylanıb. Pakistan hökumətinin Haqqaninin pasportunun verilməsində iştirak etdiyi iddia edilən iki məmuru həbs etdiyi bildirilir. Hökumət Federal Təhqiqat Agentliyi (FIA) vasitəsilə Əfqanıstan vətəndaşlarına verilən pasportları, o cümlədən Haqqani pasportunu da bloklayıb və ləğv edib.
KARUSEL / DÜNYA