Turizm Nazirliyinin müşaviri Harin Fernando bildirib ki, Şri-Lanka hökuməti oktyabrın 1-dən Səudiyyə Ərəbistanı vətəndaşlarına vizasız girişə icazə verəcək.

Şri-Lankanın Səudiyyə Ərəbistanındakı səfiri Ameer Ajwad "Arab News"a deyib ki, Səudiyyə vətəndaşları üçün Şri-Lankaya vizasız girişin təmin edilməsi ilə bağlı mühüm qərar turizmi artırmaq və Şri-Lanka ilə Səudiyyə Ərəbistanı arasında işgüzar mübadilələri gücləndirmək üçün katalizator rolunu oynayacaq: "İnsanlar arasında əlaqələri gücləndirəcək və bu il iki xalq arasında diplomatik münasibətlərin 50 illiyini qeyd etdiyi vaxta təsadüf edir.

Bu gün verdiyi açıqlamada Şri-Lanka hökuməti 35 ölkənin vətəndaşlarına vizasız giriş imkanı verib.

Bunlara Böyük Britaniya, Çin, ABŞ, Hindistan, Almaniya, Hollandiya, Belçika, İspaniya, Avstraliya, Danimarka, Polşa, Qazaxıstan, BƏƏ, Nepal, İndoneziya, Rusiya və Tayland daxildir.

Siyahıya Malayziya, Yaponiya, Fransa, Kanada, Çexiya, İtaliya, İsveçrə, Avstriya, İsrail, Belarus, İran, İsveç, Cənubi Koreya, Qətər, Oman, Bəhreyn və Yeni Zelandiya da daxil edilib.

Şri-Lankanın turizmin inkişaf etdirilməsi orqanının iyul ayında açıqladığı statistikaya görə, Səudiyyə Ərəbistanı Şri-Lanka üçün üçüncü ən böyük turist mənbəyidir.

Şri-Lanka Səfirliyi mayın 27-dən 29-dək olan Riyad Səyahət Sərgisində 2024-cü ildə turizm məhsullarını nümayiş etdirmək də daxil olmaqla, ada ölkəsini bir istiqamət kimi tanıtmağa kömək edib.
KARUSEL / DÜNYA