Hizbullah baş katibinin müavini Naim Qassem  silahlı qruplaşmanın lideri Həsən Nəsrullahın öldürülməsindən sonra ilk çıxışında İsrailə qarşı mübarizəni davam etdirəcəyini vəd edib.

Reportyor.az xəbər verir ki, açıqlanmayan yerdə çıxış edən Qassem partiyanın Nəsrullahın yolu ilə davam edəcəyini bildirib və Hizbullah tərəfdarlarını əmin edib ki, yeni baş katib ilk fürsətdə seçiləcək.

Lider müavini İsraili qırğınlar törətməkdə ittiham edib və ABŞ-ı Təl-Əvivə verdiyi dəstəyə görə tənqid atəşinə tutub. Onun sözlərinə görə, partiyanın İsrailə qarşı hücumları bu günə qədər partiyanın malik olduğu minimum imkanları göstərib.

O, partiyanın Qəzzaya dəstəyinin davam edəcəyini qeyd edib və israillilərə Hizbullahın istənilən mümkün quru müdaxiləsinə hazır olduğunu bildirib.


İsrail son günlər Livana hücumlarını artırıb və İsrailin iki həftə ərzində intensivləşən bombardmanı Hizbullahın bir sıra yüksək səviyyəli rəsmiləri, eləcə də yüzlərlə mülki şəxsin ölümünə səbəb olub.

Bazar günü İsrail ordusu iddia edib ki, bu həftə Nəsrullahı öldürən zərbə də 20-dən çox digər üzvü aradan çıxarıb. Hizbullah verdiyi açıqlamada cümə günü hücumda qrupun Livanın cənubundakı baş komandiri Əli Karakinin də öldürüldüyünü təsdiqləyib.

Qasım çıxışında Nəsrullahın İran komandiri də daxil olmaqla dörd nəfərlə birlikdə öldürüldüyünü bildirib.

Reportyor.az

KARUSEL / DÜNYA