Amerika hava hücumları bu həftənin əvvəlində Suriyada İŞİD qruplaşmasının 35 üzvünü məhv edib.

Reportyor.az xəbər verir ki, bu barədə ABŞ Mərkəzi Komandanlığı (CENTCOM) sosial mediada bildirib: "Zərbələr İŞİD-in Suriya səhrasındakı bir çox məntəqəsini, İŞİD-in bir çox yüksək səviyyəli liderlərini hədəf alıb".

CENTCOM-un bildirdiyinə görə, oktyabrın 28-də həyata keçirilən zərbələr nəticəsində mülki əhali arasında tələfat yoxdur.

“Hava zərbələri İŞİD-in mülki şəxslərə, eləcə də regionda və onun hüdudlarından kənarda ABŞ-ın müttəfiqlərinə və tərəfdaşlarına qarşı hücumlar planlaşdırmaq, təşkil etmək və həyata keçirmək qabiliyyətini pozacaq”.

ABŞ ordusunun Suriyada İŞİD-ə qarşı beynəlxalq koalisiyanın tərkibində 900-ə yaxın əsgəri var. Koalisiya 2014-cü ildə İraq və Suriyanın geniş ərazilərini ələ keçirmiş ekstremistlərlə mübarizəyə kömək etmək üçün yaradılıb.

Amerika qüvvələri vaxtaşırı Suriyada bir vaxtlar əlində saxladığı əraziləri itirmiş İŞİD yaraqlılarına və təhlükə hesab edilən digər ekstremist qruplara qarşı zərbələr endirir.
KARUSEL / DÜNYA