Pakistan və İrandan bir gündə 3164 Əfqan qaçqını zorla deportasiya edilib.

Bu barədə Əfqanıstan yerli emdiası xəbər verir.

Əfqanıstan İslam Əmirliyinin (ƏİƏ) sözçü müavini Həmdullah Fitrət özünün X səhifəsində Miqrantların Problemlərinin Həlli üzrə Ali Komissiyanın hesabatını paylaşaraq, bazar ertəsi günü 3164 nəfərdən ibarət 580 ailənin ölkəyə qayıtdığını bildirib.

O bildirib ki, geri qayıdanlar ölkəyə Heratdakı İslam Qala keçidi, Nimrozdakı Pul-i-Abreşam, Qəndəhardakı Spin Boldak, Helmanddakı Bəhramça və Nəngərhardakı Torxam keçidi vasitəsilə daxil olub.

O qeyd edib ki, geri qayıdan 962 ailə (5404 nəfər) müvafiq ərazilərinə daşınıb, 557 ailə isə humanitar yardım alıb.

O əlavə edib ki, telekommunikasiya şirkətləri tərəfindən geri qayıdan qaçqınlar arasında 663 SİM kart da paylanıb.

Bazar günü İran və Pakistandan da təxminən 4834 əfqan qaçqını zorla deportasiya edilib.

Reportyor.az



KARUSEL / DÜNYA