Bu gün Pakistanın cənubundakı Bannu şəhərində Miryan Polis Bölməsinin əsas qapısı yaxınlığında Zaranj rikşasına yerləşdirilmiş əldəqayırma partlayıcı qurğunun partlaması nəticəsində bir uşaq da daxil olmaqla iki nəfər ölüb, ən azı 20 nəfər yaralanıb.

Bu barədə yerli mediaya Bannu Baş Müfəttişinin müavini (DİG) Səccad Xan bildirib.

Polis ərazini qorumaq üçün böyük bir kontingent yerləşdirdiyini və araşdırmalara başladığını bildirib. Onlar əlavə ediblər ki, hücumda partlayıcı maddələrlə dolu rikşadan istifadə edilib.

"Miryan Polis Bölməsinin qarşısında mağazalar var", - deyə Bannu DİG Səccad Xan bildirib. O, əlavə edib ki, mağazalardan birinin qarşısında dayanmış Zaranj rikşasına əldəqayırma partlayıcı qurğu (İPQ) yerləşdirilib.

Partlayış zamanı ərazidəki polis heyəti zərər çəkməyib. Partlayışdan sonra polis ərazini mühasirəyə alıb və axtarış əməliyyatına başlayıb.

Xeybər-Paxtunxva qubernatoru Feysəl Kərim Kundi Bannu rayonundakı Miryan Polis Bölməsinin qarşısında baş verən partlayışı pisləyib.


Reportyor.az 



KARUSEL / DÜNYA