Səudiyyə Ərəbistanı bu gün verdiyi açıqlamada Birləşmiş Ərəb Əmirliklərinin İraq Kürdüstanındakı baş konsulluğunun dron hücumu ilə hədəfə alınmasını pisləyib.

Səudiyyə Ərəbistanı nazirliyi bildirib ki, Krallıq hücumu ən sərt şəkildə pisləyir və diplomatik obyektlərə təkrar hücumlar beynəlxalq konvensiyaların və diplomatik normaların açıq şəkildə pozulmasıdır.

Bəyanatda əlavə edilib: "Krallıq diplomatik binaların təkrar hədəfə alınmasının 1949-cu il Dördüncü Cenevrə Konvensiyası da daxil olmaqla beynəlxalq qanunları və normaları açıq şəkildə pozduğunu təsdiqləyir".


BƏƏ çərşənbə axşamı səhər saatlarında İraq Kürdüstanındakı baş konsulluğunun dron hücumunda hədəfə alındığını və zərər çəkdiyini, lakin itki olmadığını bildirib.

Səudiyyə Ərəbistanı həmçinin diplomatik nümayəndəliklərin toxunulmazlığına hörmət etməyin və onların işçilərini qorumağın vacibliyini vurğulayıb.

Hadisədən sonra nazirlik Krallığın BƏƏ ilə həmrəyliyini ifadə edib.

Bəyanatda əlavə edilib: "Nazirlik Krallığın qardaş Birləşmiş Ərəb Əmirlikləri ilə həmrəyliyini ifadə edir".


Reportyor.az 



KARUSEL / DÜNYA