İndoneziya, təxminən 2 trilyon rupi (115,6 milyon dollar) dəyərində qiymətləndirilən bir razılaşma ilə Malayziyaya potensial 200.000 ton düyü ixracı ilə bağlı danışıqlar aparır.

Bulog dövlət logistika agentliyinin prezidenti, direktor Əhməd Rizal Ramdhani, Malayziya ilə danışıqların ikinci mərhələyə qədəm qoyduğunu söyləyib.

Rizal Cakartada bildirib ki, "danışıqların ikinci mərhələsinə qədəm qoymuşuq. Əgər 200.000 tonu kiloqramı 10.000 rupi ilə hesablasaq, dəyəri təxminən 2 trilyon rupi olardı".

O əlavə edib ki, Tayland və Vyetnam da daxil olmaqla bir neçə başqa ölkə də İndoneziya düyüsünün idxalında maraqlı olduqlarını bildirib. Bununla belə, Malayziya ilə təklif olunan ixrac sazişi hazırda İndoneziyanın əsas prioritetlərindən biridir.

Daha əvvəl İndoneziya təxminən 215.000 İndoneziyalı Həcc ziyarətçisinin ehtiyaclarını ödəmək üçün Səudiyyə Ərəbistanına təxminən 38 milyard rupi dəyərində 2280 ton premium düyü ixrac etmişdi.

Kənd təsərrüfatı naziri Andi Amran Süleyman ixrac fəaliyyətinin İndoneziyanın düyü istehsalının və ehtiyatlarının gücünü nümayiş etdirdiyini söylədi.

"Bu, müsbət bir impulsdur, çünki istehsalımız artır. Biz məhz bunu ixrac edirik. Həmçinin Səudiyyə Ərəbistanı, Papua Yeni Qvineya, Malayziya və Filippin də daxil olmaqla bir neçə ölkə ilə imkanları araşdırdıq", - Amran dedi.


Reportyor.az 



KARUSEL / İQTİSADİYYAT