Yerevan məktəbləri bu payızda BMT-nin Bioloji Müxtəliflik üzrə Konvensiyasının Tərəfləri Konfransının (COP17) 17-ci iclası ilə əlaqədar olaraq cədvəllərini dəyişdirəcəklər. Tədbir həftəsində Yerevan məktəblərində tıxacların qarşısını almaq üçün dərslər keçirilməyəcək.

Bu barədə yerli media xəbər verir.

Təhsil, Elm, Mədəniyyət və İdman Nazirliyi bildirib ki, buraxılmış dərs günlərini kompensasiya etmək üçün paytaxtdakı məktəblər 15 sentyabrdan başlayaraq ardıcıl beş həftə ərzində altı günlük cədvəl üzrə fəaliyyət göstərəcək. Nəticədə, şagirdlər oktyabr ayında adi bir həftəlik tətil əvəzinə iki həftəlik payız tətilinə çıxacaqlar. BMT-nin Bioloji Müxtəliflik üzrə Konvensiyasının Tərəfləri Konfransının (COP17) 17-ci iclası 2026-cı il oktyabrın 19-dan 30-dək Yerevanda keçiriləcək.


Reportyor.az 



KARUSEL / DÜNYA