Prezidentin mətbuat katibi Şerzod Əsədov Daşkənddə keçirilən danışıqlardan sonra Özbəkistan və Hindistan liderlərinin bəyanatının əsas məqamlarını mediaya təqdim edib.

Bu barədə Özbəkistan mediası xəbər verir. 

Prezident Şavkat Mirziyoyevin Hindistanın Baş naziri Narendra Modi ilə danışıqlardan sonra mediaya verdiyi açıqlamadan əsas məqamlar aşağıdakılardır:

Açıqlıq ruhunda keçən danışıqlar ölkələrimiz arasında səmimi dostluğun, yüksək hörmətin və qarşılıqlı etimadın bariz ifadəsi idi.
Hindistan qlobal səhnədə əhəmiyyətli nüfuza və təsirə malik əsas strateji tərəfdaşımızdır.
Əməkdaşlığımız yeni keyfiyyət səviyyəsinə - hərtərəfli strateji tərəfdaşlığa çatıb.
Əldə edilmiş razılaşmaların həyata keçirilməsini tam təmin etmək üçün xarici işlər nazirləri səviyyəsində ayrıca bir mexanizm yaratmaq qərarına gəldik.
Keçən il qarşılıqlı ticarət 33 faiz artaraq 1,3 milyard dolları keçib. Bu rəqəmi 2030-cu ilə qədər 5 milyard dollara çatdırmaq niyyətindəyik.
Hökumətlərarası Komissiyanın və Biznes Şurasının işini gücləndirmək barədə razılığa gəldik. Enerji, vacib minerallar, səhiyyə, əczaçılıq, elektronika, zərgərlik və kənd təsərrüfatı sahələrində əməkdaşlıq gücləndiriləcək.
BMT, ŞƏT, Qoşulmama Hərəkatı, BRICS kimi nüfuzlu strukturlar və Qlobal Cənub daxilində bir-birimizi dəstəkləməyə davam edəcəyik. Özbək və Hindistan xalqları minillik tarixi, mədəni və mənəvi köklərlə sıx bağlıdır.
Qarşılıqlı mədəniyyət həftələri, film festivalları və digər böyük tədbirlər keçirməklə yanaşı, yeni birgə turizm marşrutları da istifadəyə verəcək.
30 günlük vizasız rejimin tətbiqi qarşılıqlı səyahətləri daha da intensivləşdirəcək.

Qəbul edilmiş sənədlərin və əldə edilmiş razılaşmaların tam və vaxtında həyata keçirilməsini təmin etmək üçün hərtərəfli yol xəritəsi hazırlanacaq. 

Reportyor.az 




KARUSEL / DÜNYA