Əfqanıstandan gələn terror və təhdidlər məsələsi bu görüş iştirakçılarının ümumi narahatçılığı olub.
"Tolo news" xəbər verir ki, Mərkəzi Asiya-Avropa İttifaqı liderlərinin ikinci toplantısının iştirakçıları yekun bəyanatında Əfqanıstandakı vəziyyətlə bağlı narahatlıqlarını ifadə etməklə yanaşı, bu ölkənin sabitliyini və inkişafını önə çəkiblər.
İclasda çıxış edən Avropa Şurasının prezidenti Çarlz Mişel Əfqanıstanda inklüziv hökumətin qurulmasına, insan hüquqlarına, xüsusilə də qadın və qızların təhsil və işləmək hüququna hörmət edilməsinə çağırıb.
Bu arada, Tacikistan prezidenti İmam Əli Rəhman Əfqanıstanın, xüsusən də onun şimal əyalətlərinin beynəlxalq terrorizm üçün yuvaya çevrildiyi barədə xəbərdarlıq edib.
O, Mərkəzi Asiya və Avropa İttifaqı liderlərinin ikinci görüşündə çıxış edərək, Tacikistan və Əfqanıstan arasında sərhəd mühafizəsinin gücləndirilməsinin vacibliyini vurğulayıb.
Əfqanıstandan gələn terror və təhdidlər məsələsi bu görüş iştirakçılarının ümumi narahatçılığı olub.
“Biz həmişə Mərkəzi Asiyanın bütün regionlar və ölkələrlə səmərəli əməkdaşlıq edərək sülh və tərəqqi məkanı olmasının tərəfdarıyıq. Avropa İttifaqı ilə çoxşaxəli tərəfdaşlığımızın sabit inkişafı bilavasitə regionda təhlükəsizlik və sabitlikdən, o cümlədən Əfqanıstandakı vəziyyətdən asılıdır”, - Qazaxıstan Prezidenti Kasım-Jomart Tokayev görüşdə deyib.
Bununla belə, İslam Əmirliyi Əfqanıstanda qonşu ölkələrin və regionun təhlükəsizlik narahatlığını əsassız adlandırır.
İslam Əmirliyinin sözçünün müavini Bilal Kərimi deyib ki, Əfqanıstan ərazisi heç bir başqa millət üçün təhlükə yaratmır və insan haqları ilə bağlı narahatlıqlar və ölkənin sistem strukturu İslam şəriəti və şəriət əsasında həll olunacaq daxili məsələlərdir.


KARUSEL / DÜNYA