Noyabr ayında “Bakı Metropoliteni” QSC-də 867 min 310 sərnişin daşınıb.
Bunu "Bakı Metropoliteni" QSC-nin mətbuat xidmətinin rəhbəri Bəxtiyar Məmmədli deyib.
O bildirib ki, bu göstərici cari ilin 24 noyabr tarixində qeydə alınıb: "Bu metropoliten tarixində bu günə qədər qeydə alınan rekord göstəricidir".
Bu gün "Bakı Metropoliteni" QSC-nin "Nizami" stansiyasında əlil arabası istifadəçilərinin daşınması ilə bağlı eskalator üçün nəzərdə tutulmuş yeni texniki qurğu istifadəyə verilib. Yeni texniki qurğunun istifadəyə verilməsi "Əlçatan metro" layihəsi çərçivəsində baş tutub.
Növbəti ayın 1-dən stansiyalarda ventilyatorların iş rejimi dəyişəcək, ventilyatorlar qış rejiminə keçirilir:“Mövsüm, hava şəraiti nəzərə alınaraq ventilyatorların iş rejiminin dəyişməsi stansiyalarda sərnişinlərin rahatlığı üçün təşkil edilir. Bunun üçün xüsusi monitorinq aparılır. Qış mövsümündə bu dəyişiklik hava haqqında məlumatlara və digər məqamlara əsasən tənzimlənir”.
KARUSEL / İQTİSADİYYAT