Martın 22-də Moskvadakı "Crocus City Hall”-da törədilən terror aktında daha bir nəfər təqsirləndirilən şəxs qismində Moskvanın Basmannı məhkəməsinə gətirilib.
TASS-ın məhkəmənin mətbuat xidmətinə istinadən verdiyi xəbərə görə, Moskvanın Basmannı rayon məhkəməsi istintaqdan “Krokus Siti Holl”da terror aktı ilə bağlı iş üzrə səkkizinci müttəhimin həbsi barədə vəsatət alıb. Həmin şəxs məhkəməyə gətirilib.

“Məhkəmə “Crocus City Hall”a hücumda şübhəli bilinən Əlişir Qasımovun həbs edilməsi ilə bağlı İstintaq Komitəsindən vəsatət alıb”, - deyə məhkəmənin mətbuat xidmətindən agentliyə bildiriblər.

Kasimov Qırğızıstanın Oş şəhərində anadan olub. TASS məhkəmə zalından xəbər verir ki, o, Rusiya vətəndaşıdır, üç övladı var.

O, məhkəmə zalında “Krasnoqorskda kafe işlədirəm, fərdi sahibkaram” deyib.

Əlişir Kasımov terrorçulardan biri olan Fəriduni Şəmsütdinə kirayə mənzil verib və oradan terror aktı hazırlamaq üçün baza kimi istifadə olunub.

Mediazona xəbər verir ki, hakimin ittihamın mahiyyətini başa düşüb-düşmədiyi ilə bağlı sualını cavablandıran Kasımov bildirib ki, kirayəçilərinin terrorla əlaqəsi olduğunu bilmir - o, sadəcə olaraq Avitoda mənzil kirayəsi elanı yerləşdirib.

Məhkəmə Əlişir Qasımovun mayın 22-dək həbs qətimkan tədbiri seçib. O, istintaq təcridxanasına göndərilib.

Crocus City Hall-da terror aktı martın 22-də axşam baş verib. Son məlumatlara görə, 139 nəfər həlak olub, 182 nəfər yaralanıb. Martın 23-də Rusiya Federal Təhlükəsizlik Xidməti “Krokus Siti Holl”da terror aktını törətməkdə şübhəli bilinən 4 nəfər də daxil olmaqla, 11 şübhəlinin saxlanıldığını elan edib. Onlardan 7-si, o cümlədən Tacikistan və Rusiya vətəndaşları həbs edilib. Onlar mayın 22-dək həbsdə qalacaqlar.




KARUSEL / DÜNYA