Mərakeş Milli Turizm İdarəsi (ONMT) Mərakeşdə gecələmələri artırmaq üçün səyahət şirkəti olan “TripAdvisor” ilə beşillik əməkdaşllığa daxil olub.

“Bu, Mərakeşdə turizmin inkişafını gücləndirəcək və platformanın qlobal nüfuzunu artıracaq yenilikçi bir təşəbbüsdür”, deyə ONMT mətbuat çıxışında bildirib.

Əməkdaşlıq “TripAdvisor” platforması vasitəsilə Mərakeşdəki gecələmələri ikiqat artırmaq məqsədi güdür.

ONMT-nin prezidenti və “TripAdvisor”un icraçı direktoru 2024-cü ilin yayından 2029-cu ilin qışına qədərki 10 turizm mövsümünü əhatə edən bu razılaşmanı imzalayıblar.

Məqsəd, gecələmələrin sayını 2029-cu ilə qədər 2,6 milyondan 5,3 milyona qaldırmaqdır.
Əməkdaşlıq Fransa, Birləşmiş Krallıq, Almaniya, İtaliya və İsveçrə kimi Avropa bazarlarına köklənəcək. Körfəz ölkələri, İrlandiya, Şimali Amerika və Skandinav ölkələri də ONMT strategiyasına daxildir.

Əlavə olaraq, ONMT Mərakeşdəki turizm sənayesini gücləndirmək məqsədilə bir sıra təşəbbüslərin başlanğıcını qoyub.

Bunlardan Mərakeşi dünyanın aparıcı turizm mərkəzlərindən birinə çevirmək məqsədi daşıyan “Fəaliyyət göstərən işıq” və “İşıqlar ölkəsi Mərakeş” hərəkət planlarını qeyd etmək olar.

Mərakeş, təkcə apreldə 1,3 milyon olmaqla, 2024-cü ilin ilk 4 ayında ümumilikdə 4,6 milyon turisti özünə cəlb etmişdir.

Mərakeş 2026-cı ilə qədər 17, 2030-cu ilə qədər isə 26 milyon turist cəlb etmək məqsədi güdür.
KARUSEL / MƏDƏNİYYƏT