Qətər Dövləti ABŞ, Birləşmiş Ərəb Əmirlikləri, Böyük Britaniya və Türkiyənin iştirakı ilə Vaşinqtonda keçirilən Somali üzrə 7-ci Quint Qrup toplantısında iştirak edib.

Reportyor.az  Qətər mediasına istinadla xəbər verir ki, iclasda Qətər Dövlətinin nümayəndə heyətinə xarici işlər nazirinin xüsusi elçisi səfir Feysəl bin Abdullah Əl Hənzab başçılıq edib.

Xarici işlər nazirinin xüsusi elçisi, görüşdəki çıxışında Somalinin bütün ərazilərində təhlükəsizliyini və sabitliyini dəstəkləmək, onun bütövlüyünü və suverenliyini gücləndirmək üçün səylərin artırılmasının vacibliyini vurğulayıb.

İştirakçılar Somalidəki mövcud vəziyyəti, xüsusən təhlükəsizlik vəziyyətini və gələcəkdə sabitliyi və bərpanı gücləndirəcək potensialın artırılması, uzunmüddətli təlim və federal qüvvələrin institusional təkmilləşdirilməsi yolu ilə Somali ərazilərində sabitliyə nail olmağa imkan verəcək siyasi vəziyyəti müzakirə edib.

Reportyor.az
KARUSEL / DÜNYA