İsrail qüvvələri cümə axşamı işğal altındakı İordan çayının qərb sahilində bir qadını güllələyib, yerli rəsmilər isə onun zeytun yığarkən öldürüldüyünü bildiriblər.

Reportyor.az xəbər verir ki, bu barədə Fələstin səhiyyə nazirliyi məlumat yayıb.

Nazirlikdən verilən açıqlamada, fələstinli qadın Hanan Abdel Rahman Abu Salamanın İordan çayının qərb sahilindəki Cenin şəhəri yaxınlığındakı Faqoua kəndində “(İsrail) işğal güllələri ilə öldürüldüyü” bildirilib.

Kənd şurası tərəfindən toplanan şahid ifadələrinə görə, Əbu Sələmə ailəsi ilə birlikdə zeytun yığarkən öldürülüb.

Faqoua kənd məclisinin üzvü Munir Barakat xarici emdiaya deyib ki, hərbi geyimli bir israilli ağ avtomobildə yerə gəlib və torpaqlarında zeytun yığan Əbu Sələmə ailəsinə 10-a yaxın güllə atıb.

Çərşənbə günü BMT ekspertləri, İsrailin 1967-ci ildən işğal etdiyi İordan çayının qərb sahilindəki fələstinli fermerlərin indiyə qədərki ən təhlükəli zeytun mövsümü ilə üzləşdiyini söyləyib.

Zeytun məhsulu Fələstinin həyatının və mədəniyyətinin mərkəzidir, eyni zamanda torpaqlara girişlə bağlı mübahisələrlə onilliklər ərzində fermerlər və İsrailli mühacirlər arasında daimi qarşıdurmaların yeri olub.


İordan çayının qərb sahilində zorakılıq HƏMAS-ın keçən ilin oktyabrında İsrailə misli görünməmiş hücumu Qəzza zolağında müharibəyə səbəb olduqdan sonra artıb.

Qəzza müharibəsi 2023-cü il oktyabrın 7-də başlayandan bəri, İsrail əsgərləri və ya mühacirlər İordan çayının qərb sahilində ən azı 738 fələstinlini öldürüblər.

KARUSEL / DÜNYA