İsrail ilə gərginliyin artdığı bir dövrdə İranda qətl törətməkdə təqsirli bilinən ölkənin yəhudi azlığının nümayəndəsi edam edilib.

Reportyor.az xəbər verir ki, bu barədə Norveçdə fəaliyyət göstərən İnsan Haqları qrupu bildirib. Qeyd edilib ki, Arvin Qaxremani küçə davası zamanı qətldə təqsirli bilindikdən sonra Qərbdəki Kermanşah şəhərindəki həbsxanada asılıb.

“İsraillə müharibə təhdidlərinin ortasında İslam Respublikası İran yəhudi vətəndaşı Arvin Ghahremani-ni edam etdi” deyən İHR direktoru Mahmud Əmiri-Müqəddam məhkəmə işində əhəmiyyətli qüsurların olduğunu əlavə edib.

“Lakin bununla yanaşı, Arvin yəhudi idi və İslam Respublikasında institusional antisemitizm şübhəsiz ki, onun cəzasının icrasında həlledici rol oynayıb”.

Şiə müsəlmanların üstünlük təşkil etdiyi İranda bir vaxtlar böyük yəhudi icması 1979-cu il İslam İnqilabından sonra azalıb, lakin İsraildən kənarda Yaxın Şərqdə ən böyüyü olaraq qalır.

Yəhudi iranlılar inqilabdan dərhal sonra edam edilsə də, bir yəhudi iranlının edam edilməsi son illərdə görünməmiş bir hadisədir.

Qaxremaninin anası Sonia Saadati, onun həyatını xilas etməsini istədi.

Onun ailəsi qurbanın qohumlarını İranın bu alternativə icazə verən İslam qisas qanununa əsasən qan pulu almağa çağırıb.

İran məhkəmə sisteminin Mizan Online saytı Qaxremaninin edamını təsdiqləyərək, qurbanın ailəsinin belə bir razılaşmaya razılıq verməkdən imtina etdiyini bildirib.

İsrailin Qəzza zolağında və Livanda İslam Respublikasının dəstəklədiyi silahlı qruplarla müharibəsinin başlamasından sonra İran və İsrail bu il misli görünməmiş hava hücumları həyata keçirib.
KARUSEL / DÜNYA