Reuters agentliyi tərəfindən görülən maliyyə nazirliyinin məktubuna görə, Almaniyada bir il əvvələ nisbətən daha az Rusiya aktivləri dondurulub.

Reportyor.az xəbər verir ki, sənədə əsasən Almaniyanın dondurulmuş Rusiya aktivlərində təxminən 3,5 milyard avro (3,67 milyard dollar) var. Bu rəqəm 2022-ci ildən 2023-cü ilin ortalarına qədər 5 milyard avro həddinin üstündə qalıb.

Nazirliyin Sol Partiyadan olan millət vəkili Kristian Goerkeyə verdiyi iki səhifəlik cavabında "Bu məbləğ qiymətləndirmə dalğalanmalarına məruz qalır" deyib.

Məktubda aktivlərin bölüşdürülməsi ilə bağlı ətraflı məlumat verilməyib.

Goerke deyib ki,Rusiya prezidenti Vladimir Putin Ukraynanı işğal etməyə davam edərkən, bu ölkədə rus oliqarxlarına qarşı tətbiq edilən sanksiyalar öz təsirini kütləvi şəkildə itirir.

KARUSEL / DÜNYA