Tokio hökumətinin sözçüsü bildirib ki, Rusiya bombardmançıları ölkənin ətrafındakı beynəlxalq sular üzərindən uçduqdan sonra Yaponiya qırıcıları havaya qaldırıb.

Reportyor.az xəbər verir ki, bu barədə xarici media məlumat yayıb.

Yoşimasa Hayaşi jurnalistlərə bildirib ki, “biz təsdiq etdik ki, Rusiya hərbi bombardmançıları və qırıcıları dünən açıq Okhotsk və Yaponiya dənizləri üzərindən uçub və buna cavab olaraq özünümüdafiə Hava Qüvvələrinin qırıcılarını havaya qaldırdıq". Uçuşun məqsədinin nə olduğunu dəqiq söyləmək çətindir... lakin Rusiya ordusu Yaponiyanı əhatə edən ərazilərdə davamlı olaraq fəallıq nümayiş etdirir”.

Tokio keçmişdə diplomatik marşrutlar vasitəsilə Moskva ilə məsələ qaldırıb, o cümlədən sentyabr ayında Rusiya qırıcısının ərazi hava məkanına müdaxiləsi ilə bağlı, Rusiya medianın verdiyi məlumata görə bunu təkzib edib.
"Biz (vəziyyəti) yaxından izləməyə davam edəcəyik və patrul xidməti və hava məkanına müdaxilələrə cavab vermək üçün tədbirlər görmək üçün əlimizdən gələni edəcəyik" deyib Hayaşi.
Rusiya Müdafiə Nazirliyi cümə axşamı Telegram-da bildirib ki, iki uzaqmənzilli bombardmançı təyyarə Yapon və Oxot dənizlərində beynəlxalq sular üzərində uçub.
Rusiya nazirliyi həmçinin iki Tupolev-95 təyyarəsinin Rusiya qırıcılarının müşayiəti ilə səkkiz saatdan artıq müntəzəm uçuş həyata keçirməsinin videosunu da yayıb.
"Rusiya Aerokosmik Qüvvələrinin təyyarələrinin bütün uçuşları hava məkanından istifadə ilə bağlı beynəlxalq qaydalara ciddi riayət etməklə həyata keçirilir", - məlumatda deyilir.
KARUSEL / DÜNYA