Səudiyyə Ərəbistanının Baş Qərargah rəisi general-leytenant Fəyyad bin Həmid Əl-Ruvaili Ər-Riyadda Pakistanın Birgə Qərargah Rəisləri Komitəsinin sədri general Sahir Şəmşad Mirzəyə Əla Dərəcəli Kral Əbdüləziz medalını təqdim edib.

Yerli medianın məlumatına görə, mükafat Mirzənin Krallıq və Pakistan arasında dostluq və birgə əməkdaşlıq əlaqələrini möhkəmləndirmək və Səudiyyə-Pakistan münasibətlərini gücləndirmək səylərinin tanınması məqsədilə verilib.

Medal Mirzəyə Əl-Ruvaili ilə görüş zamanı və Kral Salmanın kral göstərişinə uyğun olaraq təqdim edilib.

İki rəsmi görüşdə ölkələri arasında müdafiə və hərbi sahələrdə əməkdaşlığın aspektlərini və onları gücləndirmək və inkişaf etdirmək yollarını müzakirə ediblər. Ortaq maraq doğuran bir sıra mövzular da müzakirə edilib.

Reportyor.az 

KARUSEL / DÜNYA