İran millisi mürəkkəb siyasi vəziyyətə baxmayaraq, 2026-cı il dünya çempionatına qatılmağı bacarıb. Komanda ABŞ-yə daxil ola bilmədiyi üçün mundial zamanı bazasını turnirin ev sahiblərindən biri olan Meksikada qurub.

“derbyderbyderby.it” xəbər verir ki, iranlı futbolçular qısa müddətdə meksikalı azarkeşlərin rəğbətini qazanıblar. Bildirilir ki, İran yığmasının artıq Meksikada çoxlu yeni və gözlənilməz tərəfdarları yaranıb.
İran millisinin futbolçusu Alireza Cahanbaxış meksikalıların göstərdiyi münasibətdən məmnunluğunu ifadə edib:
“Meksika xalqını sevdim. Bizi necə qarşıladıqlarına və bizə necə yanaşdıqlarına görə onlara böyük hörmətim var”.
İki xalq arasında yaxınlaşmanı sürətləndirən amillərdən biri də amerikalılara qarşı mövcud olan ortaq mənfi münasibətdir. Bu amilin İran millisinin Meksikada rəğbətlə qarşılanmasına təsir etdiyi vurğulanır.


Reportyor.az 


KARUSEL / İDMAN