Milli Hava Limanları İdarəsinin (ONDA) məlumatına görə, 2026-cı ilin ilk doqquz ayı ərzində Mərakeş hava limanlarında 29,33 milyon sərnişinə xidmət göstərilib ki, bu da ötən ilin eyni dövrü ilə müqayisədə 8,74% artım deməkdir.

Beynəlxalq sərnişin axını 8,73% artaraq 26,15 milyona, daxili sərnişin axını isə 8,88% artaraq 3,18 milyona çatıb.

Kasablankadakı V Məhəmməd Hava Limanı 9,35 milyon sərnişinlə ölkənin ən çox sərnişin qəbul edən hava limanı olaraq qalıb. Ondan sonrakı yerləri müvafiq olaraq 8,11 milyon sərnişinlə Mərrakeş-Menara, 2,79 milyonla Aqadir, 2,32 milyonla Tanjer və 1,90 milyonla Rabat-Sale hava limanları tutub.

Avropa Mərakeşin ən böyük beynəlxalq bazarı olaraq qalıb; buradan gələn sərnişinlərin sayı 9,05% artaraq 21,66 milyona çatıb.

Cənubi Amerikadan sərnişin axını 33,48% artıb, Şimali Amerika və Afrikada isə müvafiq olaraq 13,23% və 13,62% artım qeydə alınıb.

Reportyor.az 



KARUSEL / İQTİSADİYYAT