Sinqapurun hazırkı və 4-cü Baş naziri Lourens Vonq keçən ay 20 ildə ilk belə dəyişikliklə Sinqapurun rəhbərliyini təhvil alarkən, keçmiş baş nazir Li Syan Lunun miraslarından biri - kazino kurortları diqqət mərkəzinə düşüb.
Linin rəhbərliyi altında kiçik şəhər-dövlət 2010-cu ildə iki inteqrasiya edilmiş kazino kurortu açaraq turizmi inkişaf etdirib. İqtisadi təsir əhəmiyyətli olub. Ticarət və Sənaye Nazirliyinin 2019-cu ildəki açıqlamasına görə, iki kurort illik ümumi daxili məhsulun 1%-dən 2%-ə qədər töhfə verib. 2019-cu ilə qədər turistlərin gəlişi on il ərzində iki dəfə artaraq 19,1 milyon nəfərə çatıb.
“Nikkei Asia” xəbər verir ki, indi kurortların inkişafının ikinci mərhələsi başlamaq üzrədir, hər iki kompleks ümumi investisiya dəyəri 10 milyard Sinqapur dollarından (7,4 milyard dollar) çox olan kütləvi genişləndirmələri planlaşdırır. 

İki obyektdən birini idarə edən Malayziyaya məxsus “Genting Singapore” şirkəti, “Resorts World Sentosa” may ayında elan edib ki, yeni otellər üçün tikinti müqavilələrini sentyabr ayına qədər tenderə çıxaracaq və tikintinin ilin sonuna qədər başlayacağı gözlənilir. 
Digər kurort üç göydələni əhatə edən gəmiyə bənzər dam bağçası ilə məşhur olan Marina Bay Sands, dördüncü otel qülləsini inşa edəcək. Ana şirkət Las Vegas Sands aprel ayında tikintiyə 2025-ci ilin iyulunda başlanacağını, yeni 15.000 yerlik arena və digər obyektlərin 2029-cu ilin iyulunda başa çatdırılması gözlənildiyini elan edib. 
Sinqapur hökuməti 2019-cu ildə genişləndirmə planlarını təsdiqləsə də, COVID-19 pandemiyası səbəbindən həyata keçirilmə gecikib.
Aprel ayında media Malayziyanın cənubundakı Johor əyalətində, Sinqapur sərhədi yaxınlığında potensial inteqrasiya edilmiş kurort inkişafı haqqında məlumat verib. Lakin baş nazir Ənvər İbrahim bunu dərhal və qəti şəkildə təkzib etdi. Əhalisinin 60%-dən çoxunu müsəlmanların təşkil etdiyi bir ölkədə yeni qumarxananın yaradılması siyasi baxımdan çox risklidir, çünki İslam qanunları qumar oyunlarını qadağan edir.


KARUSEL / DÜNYA