Netanyahu Vaşinqtonda Bayden və Harrislə görüşüb
![](/uploads/posts/2024-07/1721970276_1721970178439.png)
ABŞ-nin paytaxtı Vaşinqtonda səfərdə olan İsrailin Baş naziri Benyamin Netanyahu ABŞ Prezidenti Cozef Baydenlə görüşüb.
Tərəflər Qəzzadakı hadisələri, atəşkəs və Fələstinin radikal “HƏMAS” hərəkatının saxladığı girovların azad edilməsi üçün aparılan danışıqların gedişatını müzakirə ediblər.
Prezident Bayden boşluqları tez bir zamanda aradan qaldırmaq, razılığa gəlmək, girovları qaytarmaq və Qəzzada davamlı atəşkəsə nail olmaq zərurətindən danışıb.
![](/uploads/posts/2024-07/1721970258_1721970208513.png)
Daha sonra Benyamin Netanyahu Ağ Evdə vitse-prezident Kamala Harrislə görüşüb. Görüş təxminən 40 dəqiqə davam edib. Görüşdə nələrin müzakirə edildiyi açıqlanmayıb.
Qeyd edək ki, İsrailin Baş naziri Respublikaçılar partiyasından prezidentliyə namizəd Donald Trampla da görüşəcək.(report)
KARUSEL / DÜNYA
Tarix: 26-07-2024, 09:04