Hindistan Səfirliyinin dəstəyi ilə “Qanun” nəşriyyatı və “Əli və Nino” kitab mağazaları geniş mövzuları əhatə edən hind kitablarının xüsusi vitrinini təşkil edib.

Reportyor.az xəbər verir ki, tədbir çərçivəsində Alka Coşinin “Xına rəssamı” kitabının Azərbaycan dilinə tərcümə olunmuş kitabının təqdimatı keçirilib.

Hindistanın səfiri Sridharan Madhusudhanan tamaşaçılar qarşısında çıxış edərək Hindistan və Azərbaycan arasında köklü ədəbi və mədəni əlaqələrin olduğunu vurğulayıb. O, qeyd edib ki, hər iki xalqın adət-ənənələrində, musiqisində və ədəbiyyatında özünü büruzə verən zəngin bədii irsi bölüşür, onların tarixi bağlılığı möhkəmlənir.
“Qanun” nəşriyyatının direktoru Şahbaz Xuduoğlu və “Əli və Nino” kitab mağazaları şəbəkəsinin direktoru Nigar Köçərli də Azərbaycanda hind ədəbiyyatına marağın artdığını qeyd edib.
Kitabsevərlərin və mədəniyyət bilicilərinin iştirak etdiyi tədbirdə həmçinin canlı hind mədəni çıxışları, mürəkkəb xına sənəti və əsl hind kulinariya təcrübəsi nümayiş etdirildi.


KARUSEL / MƏDƏNİYYƏT