İsrail prezidenti İsaak Hersoq Qəzzada müharibənin dayandırılması çağırışlarını son vaxtlar gücləndirən Papa Leo ilə görüşmək üçün cümə axşamı Vatikana gedəcək.

Hersoqun ofisinin çərşənbə axşamı yaydığı məlumatda deyilir ki, bir günlük səfər papanın dəvəti ilə həyata keçirilir.

Prezident həmçinin dövlət katibi, Vatikanın baş diplomatı kardinal Pietro Parolin ilə görüşəcək və Vatikanın arxivi və kitabxanasına baş çəkəcək.
"Onların görüşlərinin mərkəzində girovların azad edilməsi, qlobal antisemitizmlə mübarizə və Yaxın Şərqdə xristian icmalarının qorunması, digər siyasi məsələlərlə bağlı müzakirələr olacaq".
ABŞ-ın ilk Papası Leo keçən həftə İsrail və Həmas arasında təxminən iki ildir davam edən qarşıdurmaya son qoyulması üçün güclü müraciət edərək, daimi atəşkəsə, Qəzzada saxlanılan girovların azad edilməsinə və humanitar yardımın göstərilməsinə çağırıb.

Reportyor.az
KARUSEL / DÜNYA