İordaniyanın Vəliəhd Şahzadəsi II Əl-Hüseyn Ər-Riyadda Səudiyyə Ərəbistanının Vəliəhd Şahzadəsi və Baş naziri Əlahəzrət Şahzadə Məhəmməd bin Salman bin Əbdüləziz Əl-Səud ilə görüşüb.

Bu haqda yerli media xəbər verir. 

Görüş zamanı Vəliəhd Şahzadə Əl-Hüseyn İordaniyanın Səudiyyə Ərəbistanı ilə tam həmrəyliyini və Krallığın təhlükəsizliyinə və suverenliyinə, vətəndaşlarının və sakinlərinin təhlükəsizliyinə yönəlmiş hücumlara qarşı mübarizə aparmaq üçün gördüyü bütün tədbirləri dəstəklədiyini bir daha təsdiqləyib.

O, Səudiyyə Ərəbistanının təhlükəsizliyinin İordaniyanın təhlükəsizliyindən ayrılmaz olduğunu və Körfəz dövlətlərinin təhlükəsizliyinin regional sabitliyin mərkəzində olduğunu vurğulayıb.

Tərəflər iki ölkə və qardaş xalqları arasında güclü tarixi əlaqələrdən qürur duyduqlarını, eləcə də bütün sahələrdə əməkdaşlığı genişləndirmək öhdəliklərini ifadə edib.

Onlar həmçinin qarşılıqlı maraq doğuran məsələlər üzrə koordinasiya və məsləhətləşmələrin hər iki ölkənin maraqlarına xidmət edən və ərəb və İslam xalqlarının maraqlarını dəstəkləyən şəkildə davam etdirilməsinin vacibliyini vurğulayıb. 

Reportyor.az 


KARUSEL / DÜNYA