Malayziyanın Baş naziri Anvar İbrahim bildirib ki, Malayziya Çin və qlobal tərəfdaşların strateji əməkdaşlığa başlaması üçün sabit, geniş əlaqələrə malik və biznes üçün əlverişli baza təklif edir.

Bernama bu barədə məlumat verib. 

Həmçinin maliyyə naziri vəzifəsini icra edən Anvar qeyd edib ki, bu imkanlar Malayziyanın inkişaf etməkdə olan texnologiya ekosistemi, hökumətin dəstəkləyici siyasəti və texnologiya əsaslı müəssisələrin sürətlə genişlənən şəbəkəsi sayəsində mümkün olur.

"Mən Matrade-in Çin bazarını şaxələndirmək və yüksək texnologiyalı məhsullar və həllər daxil olmaqla təklif olunan məhsul çeşidini genişləndirmək üzrə ixrac strategiyasını dəstəkləyirəm. Onların qlobal səviyyədə rəqabət aparmaq və Çinin nəhəng rəqəmsal iqtisadiyyat bazarına çıxış istiqamətində irəliləmək bacarığına malik olmalarını görməkdən məmnunam", - deyə o, "X" sosial şəbəkəsindəki paylaşımında bildirib.

Cümə axşamı günortadan sonra "West Lake"də keçirilən ikitərəfli görüşdən sonra Anvar, Malayziyanın "Fəxri Qonaq Ölkə" qismində dəvət olunduğu Qlobal Rəqəmsal Ticarət Sərgisi (GDTE) çərçivəsində Malayziya pavilyonunun açılışını etdi.

"GDTE-dəki ilk iştirakımız Malayziyanın ASEAN regionunda aparıcı rəqəmsal ticarət mərkəzinə çevrilmək və bununla da Cənub-Şərqi Asiya ilə Çini birləşdirən strateji körpü rolunu oynamaq istəyini və ambisiyasını təsdiqləyir", - deyə Anvar bildirib.

Malayziya pavilyonunda dörd dövlət qurumu və Malayziyanın rəqəmsal və texnologiya əsaslı şirkətləri də daxil olmaqla 15 iştirakçı təmsil olunurdu; burada ölkənin rəqəmsal ticarət, süni intellekt (Sİ), bulud xidmətləri, ağıllı səhiyyə və sərhədlərarası elektron ticarət sahələrindəki imkanları və innovasiyaları nümayiş etdirildi.

Reportyor.az 




KARUSEL / DÜNYA