Rusiyanın hüquq mühafizə orqanları 2012-ci ildə deputatın öldürülməsində şübhəli bilinən 8 nəfəri saxlayıb.

Reportyor.az “qafqazinfo”ya istinadən xəbər verir ki, onların hamısı “Şişkan” ləqəbli kriminal avtoritet, bizmesmen Oleq Medvedyevlə əlbir olub.

Rusiya İstintaq Komitəsinin rəsmi nümayəndəsi Svetlana Petrenko qeyd edib ki, bu məsələ çoxdan izlənilirdi və əməliyyat üçün xüsusi hazırlıq prosesi olub.

“Şişkanovun cinayətkar qruplaşması ilə bağlı cinayət işinin istintaqı çərçivəsində onunla əlbir olan səkkiz nəfər - Eduard Xarkov, Yuri Qriqoryev, Dmitri Qusev, Dmitri Barışnikov, Yuri Ofitserov, Dmitri Xlamkin, Loretis Vitkauskas və Mixail Korovin - saxlanılıb”, - Petrenko deyib.

İstintaqın versiyasına görə, Medvedyev cinayətkar qruplaşmanı 2010-cu ildən gec olmayaraq yaradıb. Dəstənin Ramensk rayon deputatı Tatyana Sidorova və onun üç doğmasının öldürülməsində əli var.

Bundan əlavə, cinayətkarlar 2014-cü ildə biznesmenin öldürülməsində şübhəli bilinir.

Xatırladaq ki, Oleq Şişkanov bu ilin iyulunda iki ay müddətinə azadlıqdan məhrum edilmişdi.

Qeyd edək ki, bir müddət əvvəl “Ura.ru” portalı “Lotu Quli” ləqəbli azərbaycanlı kriminal avtoritet Nadir Səlifovun rəqibləri arasında ilk sırada “Şişkan”ın (Oleq Şişkanov) olduğunu yazmışdı.


MARAQLI / KARUSEL / HADİSƏ