Səudiyyə Ərəbistanının Azərbaycandakı səfiri İssam bin Saleh əl-Cuteyli Bakıda Krallığın Ticarət Palataları Federasiyasının prezidenti Həsən bin Müceb əl-Xuvayzi və onu müşayiət edən nümayəndə heyəti ilə görüşüb.

Reportyor.az bu barədə Səudiyyə Ərəbistanı mediasına istinadla xəbər verir.

Görüşdə səfir qeyd edib ki, səfirlik iki ölkə arasında müvafiq qurumlarla koordinasiya yolu ilə ticarətin artırılması, investisiyaların cəlb edilməsi və investisiya imkanlarının təşviqi üzərində işləyir.
Görüş zamanı iki ölkə arasında koordinasiya və əməkdaşlıq səviyyəsinin yüksəldilməsi, nümayəndə heyətlərinin mübadiləsinin intensivləşdirilməsi, imkanlar və biznes mühiti haqqında məlumatlılığın artırılması qeyd olunub. Eləcə də iki ölkə arasında ticarət və investisiya mübadiləsinin həcminin artırılması üçün səylərin artırılması və hər iki ölkənin iqtisadi gündəmində prioritet sektorlara diqqət yetirərkən maneələri və çətinlikləri aradan qaldırılmasının zəruriliyi vurğulanıb. 

Səudiyyə Ərəbistanı nümayəndə heyətinə 65 biznes sahibi və müxtəlif dövlət qurumları və agentliklərinin nümayəndələri daxildir.

Reportyor.az



KARUSEL / İQTİSADİYYAT