Erməni juranlist və "News Media" holdinqinin qurucusu Aram Qabriyelyan maraqlı iddia səsləndirib.

O, Baş nazir Nikol Paşinyanın vəziyyətinin ağır olduğunu yazıb.

A. Qabriyelyan bildirib ki, ötən gün N.Paşinyan bağ evində durmadan spirtli içki qəbul edib. Nəticədə onun səhhəti pisləşib.

“Bütün faktlar tərəfimdən bir neçə mənbə vasitəsilə təsdiqlənib. Nikol dünən axşama qədər içib. Hətta, bir neçə dəfə masada yatıb qalıb. Spirtli içkini tək qəbul edib. Şəxsi mühafizəçiləri onu yaxın məsafədən izləyib.Çünki onun ağlına intihar fikri gəlib. Baş nazirin şəxsi həkimi onun psixi pozğunluq həddində olduğunu bilir, ancaq Nikola psixotrop dərman yazmağı qətiyyətlə qadağan edib. Çünki təxminən 3 həftə əvvəl Paşinyan psixotrop maddələri alkoqolla qarışdırıb qəbul edərkən təhülkəsizlik işçiləri ona mane olub”.

Aram Qabriyelyan həmçinin qeyd edib ki, Paşinyan içdikdən sonra qışqırmağa başlayıb:

“Həkimlərin təhlükəsizlik işçilərinə verdiyi yeganə tövsiyə, Paşinyanın içməsinə icazə vermək və pis xəbərlərdən təcrid etməkdir. Dünən Hadrut barədə eşidən kimi əməkdaşlardan birini çağırıb telefonla kiməsə zəng edib, əsəbi halda danışıb. Telefonu qoyduqdan sonra qışqırmağa başlayıb. Onik Qasparyanı xain kimi qovacağını deyib. Hökumət binasını dəlixana idi. Polis, şəxsi təhlükəsizlik, müavinlər, təcili yardım həkimləri ora-bura qaçırdılar. Nikol isə dayanmadan qışqırırdı”.//Redaktor.az 
SON XƏBƏR / KARUSEL / GÜNDƏM